मकवानपुरमा गोठमा बाँधेको भैँसीले बाघ मारेको छ । गोठमा बाँधेको भैँसीलाई बाघले आक्रमण गरेकोमा भैँसीले प्रतिकार गर्दा बाघ मरेको हो ।
प्रहरीका अनुसार बाघ गोठमै मरेको हो । बिहीबार बिहान मकवानपुरको मनहरी गाउँपालिका- ६ का बलबहादुर राईको गोठमा बाँधेको भैँसीलाई बाघले आक्रमण गरेको थियो । त्यसपछि भैँसीले प्रतिकार गर्दा बाघ मरेको हो ।
बाघ र भैँसी जुधेपछि घरधनीका साथै उनका छिमेकीले थाहा पाएका थिए । उनीहरू गोठमा पुग्दा बाघ मरिसकेको र भैँसी घाइते अवस्थामा भेटिएको बताइएको छ ।
पर्सा वन्यजन्तु आरक्षको सुरक्षार्थ खटिएको नेपाली सेनाको टोलीले घटनाको अनुगमन गरेको छ । प्रहरीका अनुसार घटनाको थप अनुसन्धान सुरु गरिएको छ । मरेको बाघलाई चितवन राष्ट्रिय निकुञ्ज, कसरा लगिएको छ ।
प्रतिक्रिया
सम्बन्धित खवर
